"Туул экспресс" хурдны зам ашиглалтад орсноор хотын гол замуудын ачаалал 7-32% хүртэл буурах тооцоог "Дата Дэүс" ХХК хийжээ. Судалгаанд математик, компьютерын загварчлал ашигласан байна.

Хөдөө аж ахуйн салбарт 200 тэрбум төгрөгийн хөнгөлөлттэй зээлийг олгохоор төлөвлөж байна. Зээлийг улаан буудай, хүнсний ногоо тариалахад зориулан арилжааны банкуудаар дамжуулан олгох юм.

“Дэлхийн мөнгөний долоо хоног-2026” аяны хаалтын арга хэмжээ Баянхонгор аймагт амжилттай болж, 1000 гаруй хүүхэд, залуучууд оролцлоо. Аяны хүрээнд хадгаламжийн эрхийн бичиг гардуулсан тэмцээн зохион байгуулагдсан байна.

“Эрдэнэс Монгол” болон Энэтхэгийн төлөөлөгчид Монгол Улсаас коксжих нүүрсийг туршилтаар Энэтхэг рүү тээвэрлэх, хамтарсан ажлын хэсэг байгуулах талаар хэлэлцэв. Энэтхэгийн SAIL компани Монголын нүүрсийг худалдан авах хүсэлт илэрхийлсэн байна.

Үндэсний аудитын газраас “Эрдэнэс Таван толгой” ХК-ийн ногдол ашгийн хуваарилалт болон хууль тогтоомжийн хэрэгжилтэд гүйцэтгэлийн аудит эхлүүлсэн бөгөөд аудитын дүнг Улсын Их Хуралд танилцуулах юм.

Эрүүл мэндийн салбарт цалингийн нэмэгдлийг зохицуулах, анхан шатны тусламжийн хүртээмжийг сайжруулах иж бүрэн шинэчлэл хийх шийдэл боловсруулах үүрэг салбарын сайд нарт өглөө.

Үндэсний аудитын газрын 2025 оны аудитын тайланд төрийн өмчийн компаниудын санхүүгийн тайланд нийт 8.4 их наяд төгрөгийн зөрчил илэрсэн бөгөөд үүнд албан шаардлага, төлбөрийн акт, хариуцлага тооцуулах арга хэмжээ авсан байна.

Хөвсгөл аймагт ноолуурын үнэ өсөж, нэг кг нь 200 мянган төгрөгт хүрсэн байна. Улсын хэмжээнд ноолуурын ханш 165-207 мянган төгрөгийн хооронд хэлбэлзэж байна.

Засгийн газраас Дархан-Уул аймгийн Орхон суманд нэг сая тонн ган үйлдвэрлэх хүчин чадалтай цогцолбор барихаар шийдвэрлэж, 650 га газрыг зориулалтаар олгохоор боллоо. Төслийн хөрөнгө оруулалт 800 сая ам.доллар бөгөөд ашиглалтад орсноор дотоодын гангийн хэрэгцээг 60-70 хувиар хангах боломжтой.

Зам, тээврийн яам говийн бүсэд авто зам, төмөр зам, агаарын тээврийн салбарт хөрөнгө оруулалт хийж, нутгийн иргэдийг ажлын байраар хангах зорилгоор бүтээн байгуулалтын ажлуудыг эхлүүлжээ.