Монгол Улсын баг тамирчдын ёслолын болон чөлөөт хувцас “Милан–Кортина 2026” өвлийн олимпын наадамд оролцохоор бэлэн болжээ. Монгол тамирчид анх удаа гүйлтийн болон уулын цанын төрөлд оролцоно.

Нийгмийн эрүүл мэндийн үндэсний төвөөс өвлийн улиралд малгай өмсөхгүй байх нь чих шуугих, толгой өвдөх зэрэг эрсдэлтэй болохыг анхааруулж, малгай өмсөх, дулаан хувцаслахыг зөвлөжээ.

"Хөх сувд 2026" мөсний баяр 25 дахь жилдээ Хатгал тосгонд 3 дугаар сарын 2-4-нд зохион байгуулагдах бөгөөд зохион байгуулах ажлын хэсэг өчигдөр хуралдаж, төлөвлөгөөг хэлэлцэв.

2026 оны 1 дүгээр сарын 17-21-ний хооронд хүйтний эрч чангарсантай холбоотойгоор осголт, хөлдөлтийн 7 дуудлага бүртгэгдэж, 5 хүн нас барсан байна. Иргэдэд цаг агаарын аюултай үед хувийн бэлтгэлээ сайтар хангахыг анхааруулж байна.

“Henley & Partners” компанийн 2026 оны паспортын чансаагаар Монгол Улсын паспорт 197 орны дунд 73 дугаар байрт орж, визгүйгээр 64 оронд зорчих боломжтой гэжээ.

Эрүүл мэндийн салбарын эмч, ажилчдын үндсэн цалинг 2026 онд үе шаттайгаар нэмэгдүүлж, 3 сая төгрөгт хүргэхээр зохицуулалт хийгдэж байна.

Австралид болсон хятад пүүл бильярдын багийн дэлхийн цомын анхдугаар тэмцээнд Монголын эрэгтэй баг алтан медаль хүртэн аварга болов. Багийн ахлагч Э.Тэмүүжин нь heyball спортын анхны азийн аварга юм.

Гэр бүл, хүүхэд, нийгмийн хамгааллын яам хувийн нэмэлт тэтгэврийн тухай хуулийн төслийг боловсруулж, ойрын хугацаанд Засгийн газраар хэлэлцүүлэхээр бэлтгэж байна. Хуулийн төсөл нь иргэдэд хувийн нэмэлт тэтгэвэр хуримтлуулах боломжийг хуульчлахад чиглэсэн.

Ерөнхий сайд Г.Занданшатар 2026 оны 1 дүгээр сард Давос хотод болох Дэлхийн эдийн засгийн 56 дугаар чуулга уулзалтын хүрээнд олон улсын хэлэлцүүлэг, уулзалтуудад оролцохоор төлөвлөжээ.

НӨАТ-ын урамшууллын сугалааны тохирол 2026 оны нэгдүгээр сарын 21-нд 13:00 цагт "Е-barimt" аппликейшн болон Боловсрол суваг телевизээр шууд явагдана. Тохиролд 2025 оны арванхоёрдугаар сарын худалдан авалтын баримтууд оролцоно.