Ерөнхий сайд Г.Занданшатар Замын-Үүд чөлөөт бүсийн үйл ажиллагаа, дэд бүтцийн ашиглалтыг шалгаж, стратеги төлөвлөлт хийх үүрэг өглөө. Чөлөөт бүсийн үйл ажиллагаа одоогоор хангалтгүй байна.

Засгийн газар дулааны үнэ тарифыг 2027 оны нэгдүгээр сарын 1-ний өдрийг хүртэл нэмэгдүүлэхгүй байхаар шийдвэрлэжээ. Цахилгаан эрчим хүчний үнэ 2024 онд нэмэгдсэн бол дулааны үнэ 2019 оноос өөрчлөгдөөгүй байна.

Нийслэл 2024 оноос эхлэн өмчийн барилга байгууламжийг хууль бусаар ашиглах явдлыг зогсоож, 15 барилгыг буцаан авчээ. 2025 онд 18 тэрбум төгрөгийн орлого төвлөрүүлсэн бөгөөд 2026 онд энэ ажлыг үргэлжлүүлэхээр төлөвлөн ажиллаж байна.

Сэлбэ голын үерийн хамгаалалтын далангийн ажил 2023 оноос эхэлж, одоогоор 88 хувьтай үргэлжилж байна. Үерийн хамгаалалтын далангийн төслийн хүрээнд тохижилтын ажил удааширсан ч ирэх гуравдугаар сараас үргэлжлэхээр төлөвлөжээ.

Увс-Улаанбаатар чиглэлийн автобус Завхан аймгийн Их-Уул сум орчимд зорчиж явсан үед жирэмсэн эх амаржиж, жолооч нар болон зорчигчид хамтран эх барьж авсан байна. Эх, хүүхдийн биеийн байдал сайн байна.

Нийслэл иргэдийн цахимаар гаргасан газар эзэмших хүсэлтийг ирэх онд шийдвэрлэхээр төлөвлөж байна. Шинээр газар олголт нь Налайх, Багануур, Багахангай дүүргүүдэд хийгдэх юм.

Хууль зүй, дотоод хэргийн сайд Б.Энхбаяр Цагдаагийн Ерөнхий газрын Мэдээлэл, шуурхай удирдлагын төвийн үйл ажиллагаа болон яаралтай тусламжийн 112 дугаарлалт руу шилжих бэлтгэлтэй танилцлаа. Энэхүү шинэ систем нь олон улсын стандарттай нийцэж, дуудлагыг цаг алдалгүй хүлээн авах боломжийг бүрдүүлнэ.

Венесуэлийн Ерөнхийлөгч Николас Мадурогийн баривчилж байгаа зураг олон нийтэд цацагдсанаас хойш Nike компанийн "Nike Tech" хувцасны борлуулалт огцом нэмэгдсэн байна.

2025 онд зэсийн үнэ тонн нь 11,768 ам.долларт хүрч, жилийн туршид 31.1 хувиар өссөн байна. 2026 оны хоёрдугаар улиралд үнэ 13,000 ам.долларт хүрэх төлөвтэй байна.

2026 онд Эрүүл мэндийн даатгалын шимтгэлийн хэмжээ сард 15,840 төгрөг, жилд 190,080 төгрөг байхаар батлагдлаа гэж ЭМДЕГ мэдээлэв.