Өмнөговьд анх удаа шувуу ажиглах уралдаан болж, ховор толбот хүүрзгэнэ бүртгэгдэв
Монгол Улсад анх удаа Өмнөговь аймагт шувуу ажиглах уралдаан зохион байгуулагдлаа. Уралдааны үеэр Монголд ховор тохиолддог толбот хүүрзгэнэ шувуу бүртгэгдсэн байна.
Толбот хүүрзгэнэ (Spilopelia chinesis) нь Энэтхэгийн хойг болон Зүүн, Зүүн Өмнөд Азийн цэцэрлэгт хүрээлэнгүүдэд элбэг тохиолддог шувуу юм. Тэдгээр нь ил задгай ой, талбай болон цэцэрлэгт амьдардаг.
Энэхүү шувуу нь Монголд ховор ажиглагддаг ч бусад бүс нутгуудад түгээмэл байдаг байна. Толбот хүүрзгэнийн бие нь ерөнхийдөө бор өнгөтэй бөгөөд цээж хэсэг нь ягаан туяатай байдаг. Хүзүүний ар талд нь цагаан цэгүүд бүхий өвөрмөц хар толботой юм.
Өдний өнгө нь тухайн бүс нутгаас хамааран бага зэрэг ялгаатай бөгөөд баруун зүгийн шувуудын далавчны өд нь гол хэсгээрээ бараан өнгөтэй байдаг бол зүүн зүгийн шувуудад ийм өнгө ажиглагддаггүй.
Толбот хүүрзгэнэ ихэвчлэн нүүдэллэдэггүй боловч зарим сүрэг нь өвлийн улиралд уулархаг газраас нам дор газар руу шилжин суудаг байна.