Төрийн албан хаагчдын жилийн эцсийн урамшууллыг 2025 оны сүүлчээр олгоно

Сангийн яамнаас төрийн албан хаагчдын жилийн эцсийн бүх урамшууллыг 2025 оны арванхоёрдугаар сарын 31-ний өдөр багтаан шилжүүлж дуусгахаар төлөвлөж байгааг мэдээлэв. Хэдхэн өдрийн өмнө Сангийн яамны Төрийн нарийн бичгийн даргын үүргийг түр орлон гүйцэтгэгч М.Баярмагнай төсвийн хүндрэлтэй холбоотойгоор төрийн албан хаагчдын жилийн эцсийн цалин, урамшуулал болох нийт 200 тэрбум төгрөгийг 2026 оны эхний улиралд олгохоор байсан тухай мэдэгдсэн юм.

Төрийн сангийн гүйлгээ 2025 оны арванхоёрдугаар сарын 25-ны өдрийн 00:00 цагт хаагдах ёстой ч төсвийн орлогыг он дуустал буюу арванхоёрдугаар сарын 31-ний өдрийг хүртэл хаахгүй гэдгийг албаныхан мэдээллээ.

Мөн 2025 оны Нийгмийн даатгалын санд 161.9 тэрбум төгрөг төсөвлөсөн бөгөөд энэ оны дотор 32,100 хүнд олгож дууссан байна. Ирэх онд Нийгмийн даатгалын санд 189.9 тэрбум төгрөгийг төсөвлөжээ. Гэсэн хэдий ч улсын төсвөөс давсан иргэд ажилгүйдлийн тэтгэмж хүсч байгаа бөгөөд энэ асуудлыг шалгах үүднээс Гэр бүл, хөдөлмөр, нийгмийн хамгааллын яаман дээр ажлын хэсэг ажиллаж байна.