Шүүх С.Зоригийн амь насыг хөнөөсөн хэрэгт буруутгагдсан хүмүүсийн ялыг хэвээр үлдээлээ

С.Зоригийн амь насыг хөнөөсөн хэргийг шүүсэн Нийслэлийн Эрүүгийн хэргийн давж заалдах шатны шүүхийн шүүх бүрэлдэхүүн дөнгөж сая (оройн 21.42 цаг) шийдвэрээ гаргалаа. Өнөөдөр (2017.03.14) өглөө эхэлсэн шүүх хурал улсын нууцад хамааралтай асуудал хэлэлцэж байгаа гэх үндэслэлээр хаалттай явагдсан.

Шүүгчид энэ хэрэгт буруутгагдаж байгаа Ц.Амгаланбаатар, Б.Содномдаржаа, Т.Чимгээ нарт анхан шатны шүүхээс оноосон ялыг хэвээр үлдээв. Анхан шатны шүүхээс Ц.Амгаланбаатарт 25, Б.Содномдаржаад 25, Т.Чимгээд 24 жилийн хорих ял оноосон байгаа. Шүүгдэгчдэд одоо Улсын дээд шүүхэд хандан давж заалдах боломж үлдээд байна.