УИХ-ын чуулганы нэгдсэн хуралдаанд Боловсролын ерөнхий хуулийг хэлэлцэж буй.
Хуулийн төсөл дээрх аймаг, сум, дүүргийн боловсролын салбарын томилгооны асуудал ойлгомжгүй байгааг УИХ-ын гишүүн Ц.Сандаг-Очир шүүмжлэв.
Тэр Бээр хэлэхдээ “Энэ бол боловсролын салбарын ерөнхий хууль учир байгууллагуудын удирдлагын томилгооны асуудлыг нэг бүлэг болгож оруулах нь зөв. Тухайн бүлэгт аймаг, нийслэлийн боловсролын хэлтсийн дарга, сургууль, цэцэрлэгийн удирдлагыг хэн томилохыг тодорхой тусгах нь илүү амар.
Хоёрдугаарт боловсролын хэлтсийн даргын албан тушаалд томилох хүн олдохгүй байгаа нь үнэн. Яагаад гэвэл мэргэжилтнүүд, арга зүйч нарынх нь цалин багш нарынхаас хамаагүй багассан.
Түүнчлэн дүүргийн сургууль, цэцэрлэгийн удирдлагыг нийслэлээс биш, Дүүргийн боловсролын хэлтсийн дарга томилох нь мэргэжлийн болно. Харин нийслэл олон сургууль, цэцэрлэгийн эрхлэгч, захирлын асуудлыг хариуцдаг” гэж ярилаа.
