Warning: include_once(/home/spotligh/updown.mn/wp-includes/header.php): Failed to open stream: No such file or directory in /home/spotligh/updown.mn/wp-config.php on line 103

Warning: include_once(): Failed opening '/home/spotligh/updown.mn/wp-includes/header.php' for inclusion (include_path='.:/opt/cpanel/ea-php81/root/usr/share/pear') in /home/spotligh/updown.mn/wp-config.php on line 103
Нийслэлд 89968 айлын орон сууц барихаар төлөвлөсөн, гэр хорооллын 41.5 хувь нь орон сууцанд орох боломжтой – updown.mn

Нийслэлд 89968 айлын орон сууц барихаар төлөвлөсөн, гэр хорооллын 41.5 хувь нь орон сууцанд орох боломжтой

Нийслэлийн ЗДТГ-аас иргэдийн эрүүл, аюулгүй орчинд амьдрах нөхцөлийг сайжруулах, агаар, хөрсний бохирдлыг бууруулах үүднээс олон ажил хийж байна. Энэ хүрээнд нийслэлийн бүтээн байгуулалтын ажлын гол цөм болсон хот дахин хөгжүүлэх, удааширсан төслүүдийг эрчимжүүлэх, шаардлагатай хөрөнгө оруулалтын асуудлыг шийдвэрлэх, гэр хорооллын дахин төлөвлөлтийн ажлыг эрчимжүүлэх зорилгоор өнөөдөр нийслэлийн удирдлагууд Хөгжлийн банкны удирдлагуудтай хамтарсан уулзалт хийлээ.

Уулзалтад НИТХ-ын дарга С.Амарсайхан, нийслэлийн Засаг даргын орлогч П.Баярхүү, НГХДБГ-ын дарга Ч.Батбилэг,  Монгол улсын Хөгжлийн банкны Тэргүүн дэд захирал Ч.Энхбат, тус банкны Төслийн санхүүжилт, зээлийн газрын захирал н.Мягмаржав болон гэр хорооллыг дахин төлөвлөлтийн төслийг гүйцэтгэж буй аж ахуйн нэгж, барилгын компаниудын захирал, төлөөллүүд оролцлоо.

Нийслэлийн Засаг даргын орлогч П.Баярхүү:

2016 оны сүүлээр нийслэлийн Засаг дарга бөгөөд Улаанбаатар хотын захирагч, Монгол Улсын Хөгжлийн банкны удирдлагууд ажлын хэсэг байгуулж, томоохон төслүүд дээр хамтарч ажиллахаар болсон.

Энэ ажлын хүрээнд Хөгжлийн банк ашиглалтын шаардлага хангахгүй, нийтийн зориулалттай орон сууцны барилгыг буулган шинээр барих, гэр хорооллын газрыг дахин төлөвлөн барилгажуулах төсөл дээр хамтран ажиллаж, санхүүжилт хийхээр болсон. Ингэснээр барилгын компаниуд хөнгөлөлттэй нөхцөлөөр Хөгжлийн банкнаас зээл авч, дахин төлөвлөлтийн ажилд оролцох боломжтой болж байгаа юм. Тэрхүү барилгын компаниуд зээл авахын тулд Хөгжлийн банкны шаардлагыг хангасан байх ёстой. Улаанбаатар хот газар олголт болон бусад дэд бүтцийн асуудлыг шийдвэрлэж, банканд баталгаа гаргаж өгөх юм.

Үүнээс гадна тус банктай хамтран нийтийн тээврийн парк шинэчлэлийн ажлыг эхлүүлэхээр болж, эхний ээлжинд 50 цахилгаан автобусыг ирэх дөрөвдүгээр сард багтаан Улаанбаатарт оруулж ирэхээр болсон.

Хөгжлийн банкны Тэргүүн дэд захирал Ч.Энхбат:

Хөгжлийн банкны хувьд нийслэл хотын бүтээн байгуулалтад гар бие оролцож, хамтран ажиллаж байгаадаа баяртай байна.

Энэ жилийн хувьд гэр хорооллын дахин төлөвлөлт болон нийтийн тээврийн парк шинэчлэлийн ажилд хамтран ажиллахаар болж, ирэх дөрөвдүгээр сараас эхлэн цахилгаан автобус оруулж ирэхээр болсон. Агаарын бохирдлыг бууруулах, гэр хорооллыг дахин төлөвлөх төслийн хүрээнд Хөгжлийн банк хамтран ажилласаар ирсэн.

Монгол Улсын Хөгжлийн банкны хууль 2017 оны хоёрдугаар сард батлагдаж, дөрөвдүгээр сараас хэрэгжиж эхэлсэн. Энэ төсөл хөтөлбөрүүдийг санхүүжүүлэх шалгууруудыг тусгаж өгсөн. Эдгээр шалгуур, шаардлагыг бүрэн хангасан аж ахуй нэгжүүдэд санхүүжилт олгоход бэлэн. Хөгжлийн банкан дээр гэр хорооллыг дахин төлөвлөх ажлын чиглэлээр гурван төсөл хэрэгжиж байгаа. Энэ төслүүдийн хувьд 2021 онд хэрэгжиж дууна. Ингэснээр нийт 1000 гаруй айл орон сууцтай болох юм. Үүнээс гадна шинэ суурьшлын бүсэд таван төсөл хэрэгжүүлж, 7,000 гаруй айл орон сууцтай болоод байна. Цаашдаа нийслэлтэйгээ хамтраад гэр хорооллыг дахин төлөвлөх төслийн хүрээнд санхүүжилтийн ажил хийгдэнэ.

Нийслэлийн Гэр хорооллын дэд бүтцийн газрын дарга Ч.Батбилэг:

Өнөөдөр бид нийслэлийн гэр хорооллын газрыг дахин төлөвлөн барилгажуулах үйл ажиллагааны хүрээнд төсөл хөтөлбөрүүдийг эхлүүлээд явж байна. НИТХ-ын таван удаагийн тогтоолоор гэр хорооллыг дахин төлөвлөн барилгажуулах төслийг иргэний өмчлөлийн 16,317 нэгж талбар бүхий 1516,6 га талбайг хамарсан 25 байршил, 76 хэсэгчилсэн талбайд хэрэгжүүлэхээр баталсан. Энэ нь гэр хорооллын нутаг дэвсгэрийн 14 хувийг эзэлж байгаа юм. Одоогийн байдлаар төслийн хүрээнд нийт 1,712 нэгж талбарыг чөлөөлж, 7227 айлын орон сууцыг шинээр ашиглалтад оруулсан.

Батлагдсан хэсэгчилсэн ерөнхий төлөвлөгөөгөөр 89,968 айлын 961 орон сууцны барилга баригдахаар төлөвлөгдсөн. Ингэснээр гэр хорооллын 41.5 хувь нь орон сууцанд орох боломжтой юм.

Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс

updown.mn

Мэдээний админ

Learn More →

Хариулт үлдээнэ үү

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн