Ичиж үхмээр шагналаа далдхан хийчихээд утаатайгаа тэмц, Н.Цэрэнбат сайд аа!!!

БОАЖЯ-наас хэрэгжүүлж буй “Ногоон паспорт” аяныг Лондонд төвтэй Дэлхийн ногоон байгууллагын “Байгаль орчны үндэсний хэмжээний Засаглал-2018”, мөн БОАЖ-ын сайд Н.Цэрэнбатыг “Дэлхийн ногоон элч”-ээр шалгаруулсан гэнэ. Эдгээр шагналыг нь Их Британи Умард Ирландын Нэгдсэн Вант улсаас ирүүлснийг Гадаад харилцааны сайд Д.Цогтбаатар Н.Цэрэнбатад гардуулж өгч буй мэдээлэл төлбөртэй мэт тарж байна.

Хэнийг даапаалаад байгаа шагнал вэ. Монгол Улсад агаарын бохирдлоос шалтгаалан жилд 4000 гаруй хүн нас барж, агаарын бохирдол нь харвалт, зүрх, судасны өвчин, уушгины хавдар болон амьсгалын замын өвчний шалтгаан болж байна. Мөн уушгины хатгалгаагаар нас барж байгаа хүүхдүүдийн дийлэнх нь агаарын бохирдлоос үүдэлтэй бөгөөд 100 мянган хүн тутамд ногдох агаарын бохирдлоос шалтгаалсан нас баралтын тоо 132 буюу дэлхийн дунджаас 1.4 дахин их байна гэж Үндэсний аудитын газраас хийсэн “Цэвэр агаарын сан болон 2008-2016 онд агаарын бохирдлыг бууруулах чиглэлээр гадаад, дотоодын хөрөнгө оруулалтаар хийгдсэн ажлын үр дүн” сэдэвт аудитын тайланд дэлгэрэнгүй бичсэн байна.

Агаарын бохирдлын хорт хийн агууламж нь цочмог ба архаг бронхит, уушгины үрэвслийн өвчлөлд шууд хамааралтайг эрдэмтэн судлаачид хэдийнэ тогтоочихсон. Улмаар уушгины хорт хавдар болон өөр олон төрлийн өвчин ихсэх, хүүхэд, 65-аас дээш насны хүмүүсийн дархлаа суларч өвчлөх нэг шалтгаан болж байгааг ч Шинжлэх ухааны академиас тайлбарласан байдаг. Тийм атал агаарын бохирдолтой тэмцэх алхам нэгээр ч урагшлаагүйгээр үл барам өнгөрсөн 10 жилд хорт бодисын агууламж стандартад заасан хэмжээнээс тогтмол өндөр байгаа нь хүн амын дунд халдварт бус өвчлөл буюу амьсгалын замын тогтолцооны болон зүрх судасны архаг өвчний тэргүүлэх шалтгаан болж байгааг Н.Цэрэнбат сайдтан та мэдэж байгаа юу.

2008 оныг 2016 онтой харьцуулахад 10 мянган хүн амд зүрх судасны тогтолцооны өвчин 1.7 дахин, амьсгалын тогтолцооны өвчин 1.6 дахин нэмэгдсэн гэж байсан бол өнгөрсөн онд Нийгмийн эрүүл мэндийн үндэсний төв, НҮБ-ын Хүүхдийн сангаас хамтран гаргасан мэдээлэлд 10 мянган хүнд ногдох амьсгалын замын өвчлөл огцом буюу 2.7 дахин нэмэгдсэн гэж дүгнэсэн, эрхэм сайд аа.

Уушгины үрэвсэл тав хүртэлх насны хүүхдийн эндэгдлийн хоёр дахь шалтгаан болж, бохирдол өндөртэй дүүрэгт амьдарч байгаа хүүхдүүдийн уушгины багтаамж хөдөө орон нутагт амьдардаг хүүхдүүдийнхээс 40 хувиар бага байгааг ч тогтоосон байна. Хэрэв байдал энэ хэвээрээ үргэлжилбэл 2025 он гэхэд эрүүл мэндийн салбарын эдийн засгийн ачаалал 33 хувиар нэмэгдэх судалгааг судлаачид мөн хийжээ. Энэ тоо баримтыг төрийн аудитаар дахин баталж, гаргаж ирсэн байгаа. Мөн ДЭМБ-аас улс орнуудын тоосонцрын жилийн дундаж үзүүлэлтүүдийг харьцуулж, тэдгээрийн агаарын бохирдлын түвшинг илэрхийлсээр ирсэн бөгөөд Монгол Улсын хувьд энэ үзүүлэлт зөвлөсөн хэмжээнээс 6-10 дахин өндөр байна.

Ийм нөхцөлд өөрсдийгөө юу хийсэн гэж Олон улсын байгууллага руу тодорхойлолт явуулж, Ногоон элч гэх өргөмжлөл авч байгаа хэрэг вэ. Эрхэм Н.Цэрэнбат сайд танаас үхтэл ичнэ гээч болж байна. Юун “Дэлхийн ногоон элч” вэ. Иргэдийнхээ амь насанд аюул заналхийлүүлсэн ийм улсаас Ногоон элч залж, өргөмжилсөн яачихсан Олон улсын байгууллага гээч вэ?! Андуураад явуулсан шагнал байх, бушуухан нууж далд хийгээд утаатайгаа тэмцсэн дүр эсгэ, ядаж.

Niigmiin toli

updown.mn

Мэдээний админ

Learn More →

11 thoughts on “Ичиж үхмээр шагналаа далдхан хийчихээд утаатайгаа тэмц, Н.Цэрэнбат сайд аа!!!

  1. Нэргүй 2018-12-26 11:50 at 11:50

    Энэ МАН -ынхан төрийн засаг зайдалсан энэ хэд ер нь сэтгэцийн өвчтэй хүмүүс байх шүү. яав ч эрүүл биш. Хүн ичих нүүргүй байна гэхэд ийм элийрсэн хүмүүс ер нь хараагүй шүү.

    Хариулах
  2. Сараа 2018-12-26 12:42 at 12:42

    Яахаараа тэнд очоод ийм шагнал авчихдаг байнаа Бас тэгээд ичихгүй зургаа даруулаад ил тавиад байхдаа яах вэ дээ юу бодож байсан болоо Бас мөнгө өгөөд авчихна гэж баймааргүй юм тэр улсаас Өөрөө өөрсдийгөө тодохойлоогүй бол тэр хүмүүс яаж өгөх вэ дээ Эх оронд нь гамшиг болж байгааг нууж байгаад авчихдаг аяаяаяа ийм болтлоо эргүү болчихдогийн байх даа

    Хариулах
  3. WWW333 2018-12-26 13:11 at 13:11

    za yasan ataarkhaad ukhlee yu? Ene utaag Tserenbat gedeg iim ikh bolgochikhson uu? Baga tenegtee ch . Uchuun olon jil utaanii tukhai yarij baigaa biz dee. Neg jild l alga bolchikh uu?

    Хариулах
    1. Нэргүй 2018-12-27 13:26 at 13:26

      бага мэдрэлтэйрээ чи. Наад Цэрэнбат чинь энэ асуудлыг хариуцсан Монгол улсын сайд учраас л хэлж байна…

      Хариулах
  4. жирийн иргэн 2018-12-26 13:38 at 13:38

    утаа нэг жилд болчихоогүй нь үнэн гэхдээ л цэрэнбатын шагнал нүдээ олсон уу гэдэг л байгаа юм биш үү нээрээ юу хийсэн билээ гэж бодох хэрэгтэйбайхаа цэрэн бат өөрөө энэ шагналыг авахаар би юу хийсэн билээ гэж бодохоор ичмээр санагдахгүй л байгаа юм байхдаа

    Хариулах
  5. Од 2018-12-26 16:05 at 16:05

    СЭТГЭЦИЙН ӨВЧТЭЙ 60 ЖДҮ- г сонгосон бидний хохь

    Хариулах
  6. Нэргүй 2018-12-26 16:25 at 16:25

    сайдтай ажилтнуудтайгаа таарсан яам гэвэл боажя л байх шив дээ. юу ч хийдэггүй ийм газрыг татан буулгаад зорилго нь тодорхой ажилч хичээнгүй, ажлаа хийж чаддаг,ажлаа мэддэг хүмүүст нь зайгаа тавимаар юм даа боажяамныхаан

    Хариулах
  7. Ц.ЖАРГАЛСАЙХАН 2018-12-26 16:26 at 16:26

    5 ЭРҮҮЛ ЮМ УУ

    Хариулах
  8. gur 2018-12-26 16:28 at 16:28

    Манайх энэ шагналыг авч чадахгүй гэж хэлж чаддаг хүн байдаггүй юм уу

    Хариулах
  9. Нэргүй 2018-12-26 19:09 at 19:09

    Сануулга юм байлгүй дээ

    Хариулах
  10. Иргэн 2018-12-27 08:56 at 08:56

    Энэ хаанаас тодорхойлдог шагнал юм бол? МАН ын дарга, ЕС Хүрэлсүх эрүүл хүн мөн үү. Эрүүл хүний санаанд багтамгүй үйлдлүүд хийгээд байх юм. Хүрэлсүх аргаггүй мэдлэг боловсрол муутай улс төр, эдийн засаг, мэргэжлийн боловсролгүй ухаан муу нөхөр бололтой.

    Хариулах

Од-д хариу үлдээнэ үү Хариултыг цуцлах

Таны имэйл хаягийг нийтлэхгүй. Шаардлагатай талбаруудыг * гэж тэмдэглэсэн