Норвегийн иргэн Густав Магнар Витёе бол аавынхаа эзэмшдэг Salmar ASA хэмээх яргай загасны компанийн томоохон хувьцаа эзэмшигч юм. Гэхдээ тэр гэр бүлийн бизнесээ бараг эрхэлдэггүй. Густав загварын бизнесээр карьераа эхлүүлж, технологийн старт-апуудад хөрнгө оруулдаг. Түүнчлэн “Инстаграм” хөтөлдөг.
Густав Магнар Витёе 1993 онд Норвегид төржээ. Өдгөө Forbes сэтгүүлээс түүнийг дэлхийн хамгийн залуу эрэгтэй тэрбумтнаар зарласан байна. Түүний хөрөнгийн хэмжээ 3,1 тэрбум доллар.
“Аав маань намайг гэр бүлийн бизнестээ өөрийгөө зориулахаас өмнө сайтар бодож үзэх хэрэгтэй гэж үздэг. Магадгүй энэ нь би хэтэрхий олон хүний анхаарлыг татдагтай холбоотой биз ээ” хэмээн тэрбээр ярьжээ.
Гэхдээ тэрбумтны хувийн амьдралын тухай мэдээлэл тун бага. Тиймээс ч ойрын үед түүнийг сонирхох бүсгүйчүүдийн тоо геометр прогрессоор өсөх биз ээ.
