Монгол бүсгүй дэлхийн Ази, Ази-Америкийн сайхан бүсгүй шалгаруулах тэмцээнд түрүүллээ

АНУ-д жил бүр зохион байгуулагддаг “Дэлхийн Ази болон Ази-Америк сайхан бүсгүй шалгаруулах тэмцээн”-д оролцсон Ж.Учрал энэ жилийн тэргүүн байрын титмийг зүүлээ. Жил бүр 500 гаруй үзэсгэлэнт бүсгүйчүүд тус тэмцээнд хүчээ сорьдог.

Энэ жилийн үзэсгэлэнт бүсгүй шалгаруулах тэмцээн наймдугаар сарын 4-ний өдөр АНУ-ын Сан-Франциско хотноо зохион байгуулагджээ. Тэргүүн байранд шалгарсан монгол бүсгүй Ж.Учрал нь 17 настай, энэхүү тэмцээний түүхэн дэх хамгийн залуу “Хатан хаан” боллоо. Анх 1985 оноос АНУ дахь Ази-Америкчуудын соёл урлагийн наадмын томоохон хэсэг болох Дэлхийн Ази болон Ази-Америк сайхан бүсгүй шалгаруулах тэмцээн 1986 оноос зохион байгуулагдаж эхэлсэн юм.