Мексикийн зүүн хойд хэсэгт байрлах Тампико хотод загасаар бороо орсон байгалийн ер бусын үзэгдэл болжээ. Тус бүс нутгийн Иргэний хамгаалалтын газраас мэдээлснээр өчигдөр (2017.09.27) тэнгэрээс зөөлөн бороотой хамт жижиг загаснууд унасан байна. Тус хотод явган хүний зам болон далайн эрэг дагуу загасаар дүүрсэн гэнэ.
Эрдэмтэд үүнийг далайн хар салхи загаснуудыг агаарт цацсан нь тэнгэрээс бороо болон орох шалтгаан болсон гэж тайлбарлажээ. Өмнө нь ийм тохиолдол тус улсад гарч байгаагүй аж.
