Замын түгжрэлийг хэрхэн бууруулах тухай “Сая санаа” ХК-ны залуус шинэ зураг төслөө цахим хуудаснаа нийтэлжээ. Зураг төсөлд агаарын давхар замыг Сүлжмэлээс Ботаник хүртэл байгуулахаар шийдсэн байна. Тодруулбал, машин зам болон агаарын метрог Ботаник, Офицеруудын тойрог, Зүүн дөрвөн зам, Багшийн дээд, Баруун дөрвөн зам, Саппорогийн тойрог, Сүлжмэл зэрэг талбаруудад агаарын метроны буудал болон газрын замтай нийлэх уулзваруудад байрлах төсөл юм байна. Энэхүү агаарын замыг “Тэнгэрийн зам” буюу “Sky Road” гэж нэрлэжээ.
Улаанбаатар хотын замын түгжрэлийг бууруулах хамгийн зөв, оновчтой шийдэл нь яах аргагүй давхар замын асуудал мөн. Энэхүү төслийг хэрэгжүүлэхэд хамтран ажиллах, санал солилцоход бэлэн байна. Мөн энэ давхар замыг барих, бүтээн босгоход шаардлагатай техник, тоног төхөөрөмж, машин механизм манай улсад бүрэн ороон ирсэн байгааг мэдэгдэх нь зүйтэй байх. Иймд холбоо барих утас хаягаа үлдээнэ үү.