Аз жаргалын яамтай улс

Бутан улсад Аз жаргалын яам гэж байдаг. Аз жаргалын яамтай дэлхийн цорын ганц улс гээд төсөөл дөө.
Түүнчлэн Бутан бол тантри буддизмыг албан ёсны шашнаар өргөмжилсөн цорын ганц улс. Иймээс Бутан улсын Засгийн газрын гол зорилго бол иргэн бүрээ аз жаргалтай болгох. Үүнийгээ ч Үндсэн хуулийнхаа 9-р бүлэгт тусгажээ.29
2008 оны 8-р сарын 24-нд “Бүх ард түмний аз жаргалын комисс” (Gross National Happiness Commission) гэсэн төрийн байгууллага байгуулагджээ. Тус комиссыг Ерөнхий сайд нь тэргүүлдэг аж.
Хамгийн сонирхолтой нь, хүн амын тооллогын үеэр “Та аз жаргалтай юу?” гэсэн 22 асуултыг ард иргЙэдээсээ асуудаг юм байна.
Хүн амын сүүлийн тооллогын үеэр 2005 онд ард иргэдийн 45.2% нь энэ асуултад “Маш их жаргалтай” гэж хариулсан бол 51.6% нь “Аз жаргалтай байна” гэж, зөвхөн 3.3% нь “Тийм ч жаргалтай биш” гэжээ.
Манай Монгол Улсад ийм санал асуулга явуулбал ямар хариу гарахыг бодохоос ч аймаар.
Бутан улсад Дотоодын нийт бүтээгдэхүүн гэдэг ойлголтыг илүү ойлгомжтой үзүүлэлт болох “үндэсний нийт аз жаргал”-аар сольжээ.
Ийнхүү Бутан улс Аз жаргалыг үндэсний бодлогынхоо магнайд залжээ. Үнэхээр гайхалтай. Дайн дажингүй, өлсгөлөн ядуурал байхгүй, гэмт хэрэг ч байхгүй энэ оронд хүмүүс баяр хөөрт умбан амьдардаг аж. Диваажин гэж энэ дэлхийд байдаг л юм байна.
Бутанчууд бүс нутгийн бусад үндэстнээс арай илүү нээлттэй, зочломтгой бөгөөд орчин үеийн “хөгжил дэвшил”-д эвдрээгүй, өөрсдийн өвөрмөц соёлоо эрхэмлэн нандигнадаг.
Энд амьтан алахыг хориглодог. Яагаад гэвэл бараг толгой дараалан цагаан хоолтон. Бутанд ан гөрөө хийх хориотой. Энэ улс руу химийн бордоо оруулахыг хуулиар хориглосон, иймээс Бутанд ургаж байгаа бүхэн экологийн хувьд цэвэр.
Бутан улсад ой модыг хяргахыг хориглож, харин ч нэмж мод тарьж суулгадаг. Ерөнхийдөө Бутан улс бол буддизмын орон төдийгүй гэгээрэл, цэвэр ариун орон.
Энэ улсыг одоогийн байдлаар маш бага судалсан. Бутаны өмнөд ба төв хэсэгт хүний хөл хүрээгүй, суурьшмал амьдралгүй асар том газар нутаг бий. Гайхамшигтай, сайхан ан амьтан, ургамал ногоотой дархан цаазат газар л гэсэн үг.
Бутаны хаант улс эх орондоо үйлдвэрлэсэн хүнс, хувцас хунараар өөрсдийгөө бүрэн хангадаг. Хүн ам нь бараг тэр чигтээ үндэсний хувцсаараа (кхо) гоёдог.

Түлхүүр үг:

3 сэтгэгдэлтэй

  1. Нэг хэсэг л ядуу улс энэ тэр гэж гадуурхаад байсан. Манайхан яахавдээ тэнэг юм болохоор Дотоодын нийт бүтээгдэхүүн гэсэн тэнэг үзүүлэлтээр улс орны мундаг, мундаг бишийг дүгнэдэг. Гэтэл хүмүүсээс асуусан асуулт хариултаар л мэдэж болж байна. Би Бутанд очихыг маш их хүсдэг, шашин зан заншил соёлоо авч үлдсэн үндэсний дархлаа үнэхээр мундаг тогтсон. ийм улс орон тэр технологи, шинжлэх ухаанаар хэт занималдаж яах юм. хүний амьдралын зорилго аз жаргалтай байх болохоос гар утас, тв, автомашин, мундаг гайхалтай байшин биш шүү дээ.

    Хариулах
  2. Манайхан яахавдээ толгой дараалан ууртай, хувиа хичээсэн, гоншигнуур ард түмэн шүүдээ. Бие биенээ хараана, хамгийн хорон үгийг олж сонгож хэлж кайф авна, үзэн ядна, зүгээр сууж байгаад л амьжиргаагаа залгуулах юмаа улсаас бусдаас нэхнэ. Тийм болохоор аз жаргал нь дандаа нүүр буруулалгүй яахавдээ.

    Хариулах

Сэтгэгдэл оруулах

Уншигчдын бичсэн сэтгэгдэлд updown.mn хариуцлага хүлээхгүй болно.
ХХЗХ-ны журмын дагуу зvй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зvйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.