“Токио-2020” зуны XXXII олимпын наадамд оролцож буй манай багийн хамгийн залуу тамирчин Б.Болор-Эрдэнэ өнөөдөр анхны хожлоо авлаа.
Ширээний теннисийн эмэгтэйчүүдийн ганцаарчилсан төрөлд ур чадвараа сорьж буй Б.Болор-Эрдэнэ 2002 оны арваннэгдүгээр сарын 12-нд төрсөн бөгөөд 18 настай юм. Манай ширээний теннисчид анх удаа олимпод оролцож байна.
Олимпын наадмын хоёр дахь өдөр буюу өнөөдөр Монголын баг тамирчид 3х3 сагсан бөмбөг, жүдо, буудлага, бокс, ширээний теннис гэсэн таван төрөлд өрсөлдөнө.
