Малайзын нисэх буудалд бусдад хорлогдож амиа алдсан Хойд Солонгосын удирдагч Ким Чен Уны ах Ким Чен-намыг “VX” гэх химийн бодисоор хордуулсан болохыг тогтоосон. Малайзын хууль сахиулах байгууллага гэм буруутай дөрвөн этгээдийг баривчилж, шүүх хурлыг эхлүүлээд байгаа. Тэгвэл тус улсын Ерөнхий сайдын орлогч Ахмад Захид аюулгүй байдлын улмаас Хойд Солонгосын иргэдэд Малайзын виз олгохоо зогсоож байгаагаа мэдэгджээ.
