Ювентус”-ын шилдэг хөлбөмбөгчин, Португалын шигшээ багийн тамирчин Криштиану Роналду дахиад л тэргүүллээ. Энэ удаад тэрбээр хөлбөмбөгтэй холбоотой бус, олон нийтийн сүлжээтэй холбоотой асуудлаар тэргүүлж байна.
Португал эр дэлхий дээр Инстаграм сүлжээний 200 сая дагагчтай болсон анхны хүн болжээ. Ийнхүү дагагчийнхаа тоогоор тэргүүлсэн тэрбээр 173 сая дагагчтай дуучин, жүжигчин Арина Грандег ардаа хаясан байна. Харин гуравдугаарт жүжигчин Дуэйн Жонсон оржээ.
Спортын төлөөлөгчид дундаа хамгийн шилдэг 10-т Аргентины довтлогч Лионель Месси 137 сая дагагчтайгаар оржээ.
