Орхон аймагт будгийн үйлдвэр ашиглалтад оржээ

Улсдаа анх удаа арван хоёр нэр төрлийн 30 өнгийг үйлдвэрлэх будгийн үйлдвэрийг ашиглалтад орууллаа. Өнгөрсөн онд Орхон аймаг нь нийгэм, эдийн засгийн салбартаа томоохон хөрөнгө оруулалтын ажлыг хийсэн юм.

Тухайлбал, улсдаа анх удаа будгийн томоохон үйлдвэрийг ашиглалтад оруулжээ. Тус үйлдвэр ашиглалтад орсноор импортын бүтээгдэхүүнийг орлох хамгийн онцлох бүтээн байгуулалт болж чадсан гэж Орхон аймгийн Засаг даргын Тамгын газрын мэдээллийн төвийн ахлах ажилтан Б.Оюун-Эрдэнэ хэлсэн бөгөөд тус үйлдвэр сард 90 тонн бүтээгдэхүүн үйлдвэрлэх хүчин чадалтай юм байна.