Монгол Улс өдөрт 54 мянган маск үйлдвэрлэдэг тул зохиомол хомсдол үүсгэхгүй байхыг анхаарууллаа
Манай улс өдөрт 54 мянган ширхэг маскийг үйлдвэрлэдэг тул иргэдийнхээ хэрэгцээг бүрэн хангана. Иймд зохиомол хомсдол үүсгэхгүй байхыг мэргэжлийн байгууллагууд анхааруулж байна.
Амны хаалт үйлдвэрлэдэг үндэсний үйлдвэрлэгч “Мөнхийн тун” үйлдвэр бүрэн хүчин чадлаараа ажиллаж хоногт 40000 ширхэгийг үйлдвэрлэн, эрүүл мэндийн байгууллага, эмийн сангуудаар түгээж байгаа. Хэд хэдэн компани гаднаас импортлож оруулж ирээд одоо эмийн сангуудаараа түгээж байна гэж Эрүүл мэндийн яамнаас бидэнд мэдээллээ.