Монголын өсвөр насны пүмсэний шигшээ багийн тамирчид БНСУ-ын Чүнчон хотноо болсон “Chuncheon 2026 World Taekwondo Poomsae Championships” тэмцээнд алтан медаль хүртэж, анхны дэлхийн аварга цолыг авлаа.

УИХ-ын байнгын хороо хүнс, хөдөө аж ахуй, хөнгөн үйлдвэрийн салбарт төрөөс олгож буй дэмжлэг, зээлийн хүүгийн татаасны хэрэгжилтийн талаар Ерөнхий хяналтын сонсголыг 2026 оны есдүгээр сард зохион байгуулахыг мэдэгдлээ.

Архангай аймгийн Цэцэрлэг суманд эхээсээ төөрсөн баавгай бамбаруушийг байгаль хамгаалагчид хамгаалалтанд авч, суурьшлын бүсээс гарган ойд нь тавьжээ.

Хөвсгөл аймгийн Эрдэнэбулган сумын айлын гэрт хүрэн баавгай орж, унь хугалсан тохиолдол гарчээ. Аймгийн зарим сумдад баавгайтай холбоотой 28 удаагийн тохиолдол бүртгэгдсэн байна.

Гачууртын уулзвараас Налайх, Чойрын уулзвар хүртэлх зам дагуух явган зорчигчдын аюулгүй байдлыг сайжруулахын тулд энэ онд гурван гүүрэн гарц барихаар төлөвлөж, ажлыг эхлүүлжээ.

БНМАУ-ын баатар, Маршал Юмжаагийн Цэдэнбалын 110 жилийн ойд Ерөнхий сайд Н.Учрал хүндэтгэл илэрхийлж, түүний түүхэн үүрэг гавьяаг дурсав.

УИХ-ын дарга С.Бямбацогт Малайзад амиа алдсан Ш.Алтантуяагийн аав С.Шаарийбуутай уулзаж, түүний давж заалдах гомдлын шүүх хурал ирэх сарын 27-нд болох тухай мэдээлэв. Монголын парламент шударга шийдвэрт дэмжлэг үзүүлэх төлөвлөгөөтэй байна.

2023 оноос хойш эм, эмнэлгийн хэрэгсэлтэй холбоотой зөрчил нэмэгдэж, 2026 онд 71 хүн, байгууллагад торгууль оногдуулсан тухай прокуророос мэдээлэв.

Хуурай, салхитай үед өвс ургамал, ойн хөвд зэрэг амархан гал авалцаж, түймэр богино хугацаанд өргөн талбайд тархах эрсдэлтэй тул ил задгай гал түлэхгүй байх, янданг оч баригчтай болгох зэрэг урьдчилан сэргийлэх арга хэмжээг авахыг зөвлөж байна.

2026 оны эхний зургаан сарын байдлаар ипотекийн зээлийн үлдэгдэл 12.3 их наяд төгрөг болсон ба зээлдэгчдийн тоо өмнөх оны мөн үеэс 9400-гаар өссөн тухай Үндэсний Статистикийн хороо мэдээлэв.