Сүүлийн таван жилд Монгол Улсад цахим залилангийн гэмт хэрэг 296 хувиар өссөн бөгөөд ихэнх нь иргэдийн банкны мэдээллийг ашиглан үйлдэгдэж байна. Цагдаагийн байгууллагаас сэжигтэй холбоос дээр дарж, хувийн мэдээллээ өгөхгүй байхыг анхааруулж байна.

Монголын татварын албанаас 2026 оны нэгдүгээр улирлын НӨАТ-ын буцаан олголтыг дөрөвдүгээр сарын 27-ноос иргэдэд шилжүүлж эхлэхээр болсныг мэдээллээ. Иргэд худалдан авалтын баримтаа цаг тухайд нь цахим системд бүртгүүлэх шаардлагатай.

2026 оны дөрөвдүгээр сарын 20-нд Улаанбаатар хотын төв талбайд "Эрүүл мэндийг дэмжих нээлттэй хаалганы өдөрлөг" зохион байгуулагдаж, иргэдэд үнэ төлбөргүй эрт илрүүлгийн үзлэг, зөвлөгөө өгнө.

Төр, нийгмийн зүтгэлтэн Санжаасүрэнгийн Зориг агсны 64 насны ой өнөөдөр тохиож байна. Түүнийг 1998 онд онц хэрцгийгээр амиа алдсаны хэрэг одоо хүртэл бүрэн илрээгүй байна.

Прокурорын байгууллагаас 2025-2026 оны эхний улирлын байдлаар мал хулгайлах гэмт хэргийн 2144 хэрэгт хяналт тавьж, 551 хүнийг яллагдагчаар татжээ. Гэмт хэргийн гаралт өсөх хандлагатай байгаа тул урьдчилан сэргийлэхийг анхааруулж байна.

Монголын Үндэсний бөхийн холбооны "Алтан цом"-ын барилдаан өндөрлөж, "Хатант интернэйшнл" баг 14:11 харьцаагаар түрүүлэв. Улсын арслан Э.Батмагнай "Манлай" бөхөөр шалгарсан юм.