Гадаад харилцааны сайд Б.Батцэцэг “The MongolZ” цахим спортын багийг Монгол Улсын Соёлын элчээр томилж, гэрчилгээг гардууллаа. Баг нь уламжлалт соёлыг орчин үеийн технологитой уялдуулан гадаад улсад сурталчлах үүрэг хүлээнэ.

Улсын Их Хурал 2025 оны намрын чуулганаар "Оюу толгой" бүлэг ордын ашиглалтад хяналт шалгалтын түр хорооны тайлан, санал, дүгнэлтийг хэлэлцэж, эрх ашгийг хамгаалах, өгөөжийг нэмэгдүүлэх талаар тогтоолын төсөл боловсрууллаа.

Уул уурхайн салбарын идэвхжилтэй холбоотойгоор дизель түлшний хэрэглээ 2024 оны хоёрдугаар хагасаас тогтмол өсөж байна. Монгол Улс өдөрт дунджаар 2200 тонн шатахуун хэрэглэдэг бөгөөд нийлүүлэлт тогтвортой хадгалагдаж байна.

Арванхоёрдугаар сарын 22-нд баруун, төв, говийн аймгуудын зарим газраар, 23-нд нутгийн зүүн хэсгээр цас орж, цасан шуурга шуурах тул зам даваа гүвээнд халтиргаа гулгаа ихсэхийг анхааруулж байна.