Богдхан уулын дархан цаазат газарт морьт эргүүл гүний шалгалт хийж, самар түүхээр гарсан 50 орчим иргэнийг уулнаас буулгаж, хууль бус үйл ажиллагааг таслан зогсоолоо.

Улаанбаатар хотод 2026 оны наймдугаар сарын 15-наас есдүгээр сарын 12-ныг дуустал автомашины улсын дугаарыг 07.00-21.00 цагт тэгш, сондгойгоор хязгаарлаж хөдөлгөөнд оролцуулж байна. Хязгаарлалтад тодорхой тээврийн хэрэгслүүд хамрагдахгүй юм.

О.Энхболор хүүхдээ төрүүлсэн эхчүүдийн банк болон банк бус зээлийн төлөлтийг хүүхэд 3 нас хүртэл хойшлуулах буюу зөвхөн хүү төлөх нөхцлөөр сунгах өргөдөл санаачилж, одоогийн байдлаар 7,100 иргэн дэмжиж гарын үсэг зурсан байна.

Чингис хаан олон улсын нисэх буудалд 2026 оны наймдугаар сарын 18-нд Монгол Улсын гурван иргэний тээшнээс улсын эмийн бүртгэлд бүртгэгдээгүй “Монжура” тариа илэрч, саатуулагдсан талаар мэдээллээ.

Есдүгээр сарын 26-нд Улаанбаатар хотод анхны шөнийн марафон болно. Гүйлтийн төрөлд 5, 10, 21 км багтаж, 16-аас дээш насны иргэд оролцох боломжтой.

Франц, Тайванийн эмч нар ЭХЭМҮТ-тэй хамтран төрөлхийн зүрхний гажиг, уруул, тагнайн сэтэрхийтэй 30 хүүхдэд мэс заслын эмчилгээ хийжээ.

Нийслэлийн цэцэрлэгийн хоёрдугаар шатны цахим бүртгэл есдүгээр сарын 3-ны 09:00 цагаас эхэлж, есдүгээр сарын 11-ний 23:59 цагт дуусна. Тус шатанд түр оршин суух хаягтай, нэгдүгээр шатны бүртгэлд хамрагдаагүй хүүхэд хамрагдах юм.

ХЗДХ-ийн сайд С.Амарсайханы тушаалаар философич С.Молор-Эрдэнэ тэргүүтэй этгээдүүдийг шалгахаар болсон гэнэ. Тэднийг Монгол Улсын үндэсний аюулгүй байдал, тусгаар тогтнол, язгуур өв соёл, түүхийг илтэд гуйвуулж гутаан доромжилсон гэх үндэслэлээр шалгах нь зүйтэй гэж үзсэн нь тэр. С.Молор-Эрдэнэ нар нь “Монгол гэдэг ард түмэн байхгүй, энэ бол зүгээр нэг хоч. Ийм ард түмэн дэлхий дээр байхгүй. […]

“Сагсайн бүргэдийн баяр” энэ сарын 17-18-нд Баян-Өлгий аймгийн Сагсай суманд болно. Тасалбарыг 50 ам.долларын үнэтэйгээр худалдаалж, хоёр өдрийн багц хөтөлбөрийг багтаасан байна.

Туул гол дагуух усны ослын эрсдэл бүхий 20 байршилд анхааруулга, сэрэмжлүүлэг самбар байршуулж, иргэдэд аюулгүй байдлаа хангах зөвлөмжүүдийг хүргэлээ.