Улаанбаатар хот 2026 онд бизнес эрхлэгчдийг дэмжих жил болгон зарлаж, инновацлаг төслүүдийг дэмжихээр ажиллаж байна. Төслүүдэд өвлийн цэцэрлэгт хүрээлэн байгуулах болон агаарын тээврийн дэд бүтцийн шинэчлэл багтжээ.

2025 оны дөрөвдүгээр улирлын НӨАТ-ын буцаалтыг 2026 оны нэгдүгээр сарын сүүлийн долоо хоногт олгох бөгөөд иргэд цахим төлбөрийн баримтаа 1-р сарын 8-ны дотор бүртгүүлэх шаардлагатай.

Нью-Йоркийн Comex бирж дээр алтны фьючерс үнэ хоёрдугаар сард нийлүүлэхэд нэг унц нь 4600 ам.долларт хүрч, 1979 оноос хойших хамгийн өндөр өсөлт үзүүллээ.

“Амар байна уу 2026” үзэсгэлэн худалдаа 1 дүгээр сарын 17-ноос 2 дугаар сарын 17-ны хооронд зохион байгуулагдаж, ЖДҮ эрхлэгчид бүтээгдэхүүнээ үйлдвэрийн үнээр худалдаална.

Хадгаламж банкны эрх хүлээн авагч М.Энхтөр Авлигатай тэмцэх газарт 140 тэрбум төгрөгийн хохирол учруулсан хууль бус үйлдлийг таслан зогсоож, арилгасанд талархал илэрхийлэв.

“Alphabet” компани хиймэл оюуны технологид хөрөнгө оруулснаар зах зээлийн үнэлгээ 3.88 их наяд ам.долларт хүрч, сүүлийн долоон жилд анх удаа “Apple”-ийг гүйцэж давсан байна.

Венесуэл улс газрын тосны томоохон нөөцтэй төдийгүй алт, байгалийн хий, нүүрс, төмрийн хүдэр, никель, боксит, алмааз зэрэг олон төрлийн эрдэс баялгийн нөөцтэй байна. Газрын тосны экспорт нь улс төр, эдийн засгийн хүчин зүйлсийн нөлөөгөөр буурсан ч Хятад улс гол худалдан авагч хэвээр байна.

2026 оны нэгдүгээр сарын 9-ний байдлаар Улаанбаатар төмөр замд нийт 838 вагон шатахуун хадгалагдаж, буух өртөө тус бүрээр тэдгээрийн тоо, төрөл тодорхойлогдсон байна.

Монгол Улсын Засгийн газар Тавантолгойн бүлэг ордын ашиглагдаагүй Бортээг хэсгийг эдийн засгийн эргэлтэд оруулах бэлтгэл ажлыг хангах, хөрөнгө оруулагчдыг сонгон шалгаруулах ажлын хэсэг байгууллаа. Олон улсын нээлттэй санал авах ажиллагаа энэ сарын 9-нд эхэлнэ.

Засгийн газар дулааны үнэ тарифыг 2027 оны нэгдүгээр сарын 1-ний өдрийг хүртэл нэмэгдүүлэхгүй байхаар шийдвэрлэжээ. Цахилгаан эрчим хүчний үнэ 2024 онд нэмэгдсэн бол дулааны үнэ 2019 оноос өөрчлөгдөөгүй байна.