Багахангай-Хөшигийн хөндий чиглэлийн салбар төмөр замын эхний 87 км ашиглалтад бэлтгэж байна

Монгол Улс Улаанбаатар төмөр замаас Багахангай-Хөшигийн хөндий-Эмээлт чиглэлд салбар төмөр зам тавих төслийг хэрэгжүүлж байна. Уг замын эхний 87 километрийг барьж дуусгасан бөгөөд одоо ашиглалтад бэлтгэж байна.

Зам, тээврийн сайд Б.Дэлгэрсайхан 2026 оны 8 дугаар сарын 9-нд төслийн талбайд ажиллаж, замын чанар, нягтрал болон дээд бүтцийн ажлын гүйцэтгэлийг шалгасан байна. Тус хэсгийн төмөр зам нь Улаанбаатар хотын Багахангай дүүргээс эхэлж, Төв аймгийн Сэргэлэн сумын нутгаар баруун тийш чиглэсэн маршруттай юм.

Төмөр замын бүтээн байгуулалтын ажил үндсэндээ дууссан бөгөөд одоо чанар, нягтрал, ашиглалтад бэлтгэх сүүлийн шатны ажлууд үргэлжилж байна. Бүтээн байгуулалтад оролцсон компаниуд үндсэн ажлаа дуусгаж, гүйцэтгэлээ хүлээлгэн өгсний дараа холбогдох санхүүжилтээ авч, төслийн дараагийн хэсгийн ажилд шилжин ажиллаж эхэлжээ.