Архангайд ойн гал түймэр гарч, унтраах ажиллагаа явагдаж байна

Архангай аймгийн Ихтамир сумын Хөхнуур багийн “Хойд гол” орчимд ойн гал түймэр гарсан тухай дуудлагыг Онцгой байдлын ерөнхий газар 2026 оны 3 дугаар сарын 9-ний өдрийн 18:50 цагт хүлээн авсан байна.

Тус аймгийн Онцгой байдлын газрын Эрэн хайх, аврах салбарын алба хаагчид, Ихтамир сумын Мэргэжлийн ангийнхан болон “Хангай нурууны байгалийн цогцолборт газар”-ын хамгаалалтын захиргааны ажилтнууд хамтран гал түймрийг унтраах ажиллагааг явуулж байна.