Өнгөрсөн долоо хоногт улсын хэмжээнд 96 удаагийн аюулт үзэгдэл, ослын дуудлага бүртгэгджээ
2026-02-23 10:301min
2026 оны 02 дугаар сарын 16-23-ны хооронд улсын хэмжээнд 96 удаагийн аюулт үзэгдэл, ослын дуудлага бүртгэгдэж, 20 хүний амь насыг авран хамгаалсан байна.
2026 оны 02 дугаар сарын 16-наас 02 дугаар сарын 23-ны хооронд улсын хэмжээнд нийслэлийн найман дүүрэг болон 18 аймгийн 46 суманд аюулт үзэгдэл, ослын 96 удаагийн дуудлага бүртгэгдсэн байна.
Дуудлагын дагуу төв болон орон нутгийн Онцгой байдлын байгууллагын алба хаагчид үүрэг гүйцэтгэж, 20 иргэний амь насыг авран хамгаалжээ.
Эдгээр дуудлагын 53 нь объектын гал түймэртэй холбоотой, хоёр нь газар хөдлөлтийн дуудлага, 40 нь хүний үйл ажиллагаатай холбоотой ослын дуудлага байв.
Хүний үйл ажиллагаатай холбоотой ослын дуудлагыг төрөлжүүлбэл, цас шаварт суусан 23, зам тээврийн осол 3, төөрч сураггүй болсон 9, өндөрөөс унах 1, усны осол 1 тохиолдол бүртгэгдсэн байна.