Монголын багийн хувцас Милан–Кортина 2026 өвлийн Олимпын нээлтэд онцолж байна
Дэлхийн загварын төвүүдийн нэг Милан хотод болох “Милан–Кортина 2026” өвлийн Олимпын наадмын нээлтийн ёслолд Монгол Улсын баг өв соёл, уламжлалыг орчин үеийн загварт шингээсэн хувцсаараа оролцоно.
“Парис 2024” наадмын нээлтийн хувцсаараа олон улсын загварын салбарт өндөр үнэлгээ авсан Монголын баг энэ удаад ч дахин загварлаг төрхөөрөө тодрох юм. Нээлтийн ёслол 2026 оны хоёрдугаар сарын 6-нд болно.
Монголын дотоодын брэнд “GOYOL” 13–15-р зууны Их Монголын эзэнт гүрний өв соёлоос санаа аван хувцас урласан бөгөөд ноолууран материал, орчин үеийн силуетийг ашигласан байна.
Хувцасны үндсэн элемент нь өндөр захтай дээл бөгөөд уламжлалт нэхмэл, эсгүүрийг орчин цагийн дизайнаар дахин бүтээсэн нь онцлог юм. Хар хөх өнгө нь нүүдэлчдийн бөө мөргөлийн итгэл үнэмшилд орших Мөнх Хөх Тэнгэрийг бэлгэддэг.
Мөн Монголын багийн чөлөөт хувцаснуудыг танилцуулсан бөгөөд уулын спортод зориулсан ноосон цамцууд нь нүүдэлчдийн гэрийн дугуй хэлбэр, эсгий хийцийг санагдуулна.
2026 оны өвлийн Олимпын наадамд Монгол Улсаас гурван тамирчин оролцох бөгөөд тэдгээр нь А. Ариунбат (уулын цана), Б. Ачбадрах (гүйлтийн цана), Э. Ариунтунгалаг (гүйлтийн цана) юм.
Монголын баг спортын талбараас гадна соёл, загварын салбарт ч эх орныхоо өв соёлыг тодорхой харуулахад бэлэн байгааг www.olympics.com мэдээллээ.