Трамп хатан хааны хүлээн авалтын үеэр зүүрмэглэв

Америкийн Ерөнхийлөгч Дональд Трамп Их Британийн хатан хаан II Елизаветаг хүлээн авалтад ерөөлийн үг хэлэх үеэр хэсэг зүүрмэглэсэн тухай Британийн “Mirror” хэвлэлд тэмдэглэсэн байна.

Камерын бичлэгээс үзэхэд Трамп хатан хааныг АНУ, Их Британийн харилцааны талаар үг хэлэх үеэр нойрмоглож байгаа нь илт байна. Хатан хаан Британийн АНУ дахь компаниуд сая сая америкчуудыг ажлын байраар хангадаг гээд АНУ, Британийн нийтлэг үнэт зүйлсийг тэмдэглэж, Америкийн төрийн тэргүүний төлөө хундага өргөе гэжээ.

Хатан хааныг үг хэлж дуусмагц Дональд Трамп гэнэт толгойгоо өргөсөн байна.