Танилц: ЖДҮХС-гийн шинэ дарга Б.Батцэцэг

ЖДҮХС-гийн зээлтэй холбоотойгоор үүссэн асуудлыг хууль хяналтын байгууллагууд шалгаж байгаа бөгөөд тус сангийн захирлаар ажиллаж байсан С.Төгсбилэгийг үүрэгт ажлаас нь түдгэлзүүлэн АТГ-аас албан тушаалаа урвуулан ашигласан хэргээр саатуулан шалгаж байгаа билээ. Харин тус сангийн даргын үүргийг түр орлон гүйцэтгэгчээр Б.Батцэцэгийг томилсон байна.

Тэрбээр Сангийн яаманд Төрийн сангийн газарт ажиллаж байсан, Дотоод хяналт, шинжилгээ, аудитын тогтолцоог бий болгох ажлыг санаачилж байсан, Оюутолгойн баримтын шалгалтын ажлын хэсгийг ахалж байсан, Швед улсын Элчин сайдын яаманд эдийн засгийн зөвлөхөөр ажиллаж байгаад ирсэн ажилтан томилогдсон байгаа гэдгийг салбарын сайд Ч.Улаан танилцууллаа.