АН-ын ҮБХ-ны V хуралдаан өнөөдөр Төрийн ордонд боллоо. Хуралдаанаар үзэл баримтлалын төсөл болон дэд дарга нарын асуудлыг хэлэлцсэн байна. Одоогоор үзэл баримтлалд 3 чиглэлд өөрчлөлт оруулахаар бэлтгээд байгаа аж.
Харин дэд дарга нарын асуудлыг хэлэлцэж, Гадаад харилцаа, улстөрийн бодлого хариуцсан дэд даргаар Р.Амаржаргалыг, Санхүү, эдийн засаг, төсвийн бодлого хариуцсан дэд даргаар З.Нарантуяаг, Орон нутаг, намын байгуулалт хариуцсан дэд дарга Б.Пүрэвдорж нарыг тус тус батламжилжээ.
АН-ын ҮБХ нийт 380 гишүүнтэй бөгөөд намын Их хуралд 1000 гаруй төлөөлөгч оролцох юм. ҮБХ-ны хуралдаанаар маргааш болох IX Их хурлаар шийдвэрлэх асуудлыг хэлэлцэж буй юм байна.
