Аливаа улс орны хүн амын эрүүл мэндийн нэн чухал үзүүлэлт нь хүн амын дундаж наслалт байдаг. Манай улсын хүн амын дундаж наслалт ДЭМБ-аас гаргасан үзүүлэлтээр 68.8 байгаа бөгөөд энэхүү үзүүлэлт дэлхийн түвшний хувьд 71.4, ДЭМБ-ын Номхон далайн баруун бүсийн хувьд 74 байгаа юм. Дундаж наслалтын хувьд монголчууд бүсийн орнууд болох Камбодж, Филиппин, газар дундын тэнгисийн зүүн бүсийн орноос Ирак, Зүүн өмнөд Азийн бүсийн орнуудаас Индонези зэрэг оронтой ойролцоо түвшинд явж байна.
