Долоодугаар сар гарсаар нийт нутгаар түр зуурын усархаг бороо орсны улмаас орон нутаг, нийслэлд их бага хэмжээний үерүүд болоод буй.
Нийслэлийн Онцгой Байдлын Газрын мэдээлж буйгаар энэ сарын 20-ны байдлаар ирсэн нийт дуудлагын 73.3 хувь нь иргэдийн хашаа гэрт ус орсон, 24.9 хувь нь орц болон газар доорх зоорийн давхар усанд автсан, 1.8 хувь нь нийтийн эзэмшлийн гудамж талбай болон автозам усанд автсан зэрэг дуудлага эзэлжээ.
Тэгвэл үерийн усанд орсон гэр байшиндаа үүссэн мөөгөнцөрийг хэрхэн цэвэрлэх зөвлөмжийг Нийгмийн Эрүүл Мэндийн Үндэсний төвөөс гаргажээ.
