Виктор Цойн төрсөн өдөр тохиож байна

Виктор Цойн  мэндэлсний 56 жилийн ой өнөөдөр тохиож байна. Домогт рок од 1962 оны зургадугаар сарын 21-нд Ленинград хотод мэндэлсэн юм. Өнгөрсөн жил түүний 55 насны ойд зориулан  “Нар нэртэй од” гэдэг дууг нь клип болгон сүлжээгээр тавьсан байдаг. Видеог  YouTube дэх “Яндекс” сувагт үзэж болох юм.

Тэрээр “Кино” гэсэн рок хамтлагийг үндэслэн байгуулаад “Цусны бүлэг”,” Нар нэртэй од”, “Хувьсал”, “Сүүлчийн баатар” зэрэг алдартай дуунуудаа бичүүлжээ. Хөгжимчин 28 настайдаа 1990 онд автын ослоор тэнгэрт хальсан билээ.