Шинэ жилийн баярын үдэш төв талбай дээр зохион байгуулсан “Улаанбаатарын мөнгөн шөнө” цэнгүүний үеэр бага насны таван хүүхэд эцэг, эхээсээ төөрснийг эцэг, эх, асран хамгаалагчид нь хүлээлгэн өгчээ. Баярын өдрүүдэд нийслэлийн иргэд гэмт хэрэг, зөрчилгүй шинэ оноо тайван угтсан болохыг цагдаагийн байгууллагаас онцолж буй. Харин зөвшөөрөлгүй салют буюу пиротехникийн хэрэгсэл худалдаалсан хувь хүмүүст хариуцлага тооцож, мөнгөн торгууль ногдуулжээ. Тухайлбал, “Нарантуул” олон улсын худалдааны төвд 58 ширхэг пиротехникийн хэрэгсэл худалдаалсан зөрчил илэрсэн байна.
