Өнөөдөр 14:00 цагийн орчимд нийслэлийн Баянгол дүүрэгт харьяалагдах 25 дугаар эмийн сангийн орчим, төв замын урд талын хуучны таван давхар орон сууцны барилгаас эмэгтэй хүн амиа хорлохыг завдсан гэх мэдээллийг иргэд онцгой байдал цагдаагийн байгууллагад дуудлага өгсөн. Гэвч түүнийг аварч амжилгүй барилгаас үсэрч нас баржээ. Зарим эх сурвалжийн мэдээлснээр талийгаач нь өсвөр насны хүүхэд байж болзошгүй аж. Хэргийн газрыг тус дүүгийн цагдаагийнхан хамгаалалтад авч, шүүх шинжилгээний үндэсний хүрээлэнгийн шинжээчид талийгаачийн цогцсыг авч явжээ.
