Ерөнхийлөгч Х.Баттулга УИХ-ын дарга М.Энхболдод УИХ-аас зарим хуулийн төслийг татаж авах хүсэлтэй байгаагаа илэрхийлсэн хүсэлт хүргүүлжээ. Үүнд Үндсэн хуулийн цэцэд маргаан хянан шийдвэрлэх тухай болон холбогдох бусад хуулийн төслүүд, Иргэний хэрэг хянан шийдвэрлэх тухай болон холбогдох хуулийн төслүүд, Мэдээллийн аюулгүй байдлын тухай хуулийн төсөл, Сонгогдсон болон томилогдсон албан тушаалтанд хүлээлгэх хариуцлагын тухай хуулийн төсөл, Төрийн албаны тухай хуулийн төсөлд нэмэлт өөрчлөлт оруулах тухай төслүүд багтсан байна.
