“Disney” компани “Оддын дайн” цуврал киноны есдүгээр ангийг дэлгэцэнд гаргах хугцаагаа хагас жилээр хойшлуулжээ. Тус кино АНУ-д 2019 оны тавдугаар сард дэлгэцэнд гарах байсан ч 12 дугаар сарын 20-нд нээлтээ хийхээр болжээ. Учир нь найруулагч солигдсонтой холбоотой гэнэ.
Өнгөрсөн долоо хоногт зураг авалт хийх ёстой байсан найруулагч, кино зохиолч Колин Треворроу кино төслөөс гарч байгаа нь тодорхой болсон байна. “The Hollywood Reporter” сэтгүүлийн мэдээлснээр, ийнхүү гэрээгээ цуцлах болсон цаад шалтгаан нь К.Треворроу кино зохиолын талаар “Disney” компанитай санал зөрөлдсөн явдал аж.
