Сычунь мужид газар хөдөлж 13 хүн амиа алджээ
Хятадын Сычуань мужид томоохон газар хөдлөлтийн улмаас 13 хүн амиа алдсан гэсэн албан ёсны мэдээлэл байна. Үүнээс гадна 175 хүн гэмтэж бэртэн эмнэлэгт хүргэгдсэнээс 28-ынх нь биеийн байдал маш хүнд байгаа аж. Орон нутгийн цагаар энэ сарын 8-ны 21:19 цагийн үед Сычуань мужийн Нгава-Төвөд-Цяны автономит тойргийн Зючайгоу гацаанд 6.5 магнитудын хүчтэй газар хөдөлжээ. Дараахан нь Хятадын газар хөдлөлтийн төвөөс долоон магнитудын газар хөдөлсөн гэж баталсан байна. Газрын чичирхийлэл нийт 100 гаруй удаа мэдрэгджээ.
