Хойд Солонгос улс Гуам аралд байрлах Америкийн цэргийн баазад пуужингийн цохилт хийнэ гэж АНУ-ыг сүрдүүлжээ. Энэ тухай Өмнөд Солонгосын “Ёнхап” агентлаг мэдээлсэн байна. Тус агентлагийн мэдээлснээр БНАСАУ-ын Зэвсэгт хүчин “Хвасон-12” дундын тусгалтай баллистик пуужингийнхаа тусламжтайгаар Гуамын ойролцоох дүүргүүдэд цохилт үзүүлэх төлөвлөгөө боловсруулж байгаа гэнэ. Төлөвлөгөөг судалж, боловсруулсны дараа Хойд Солонгосын дээд командлалд шилжүүлэх юм байна.
