Аугаа их ялалт байгуулсны 76 жилийн ойн баярын цэргийн сүр жавхлант жагсаалыг Монголын үндэсний олон нийтийн телевиз (MNB) албан ёсны онцгой эрхтэйгээр орон даяар шууд дамжуулна.
Уламжлал ёсоор тавдугаар сарын сарын 9-нд ОХУ-ын нийслэл Москва хотноо Улаан талбайд Москвагийн цагаар 10:00 цагт болдог уг жагсаалыг Улаанбаатарын цагаар 15:00 цагт МҮОНТ-ээр хүлээн авч үзээрэй.
ОХУ-ын БХЯ-ны сайд Сергей Шойгу мэдэгдсэнээр, энэ жилийн баярын жагсаалд анх удаа өндөржүүлсэн хамгаалалтын “Тайфун ПВО” хуягт тээвэрлэгчийг үзүүлнэ. Мөн баярын арга хэмжээнд Оросын Зэвсэгт болон Агаарын хүчний 12,5 мянган цэргийн алба хаагч, 190 гаруй нэгж байлдааны зэвсэгт техник мөн 76 нисдэг тэрэг болон онгоц оролцож байгаа бөгөөд энэ нь Ялалтын баярын 76 жилийн ойг билэгдэж буй юм.
Мөн домогт “Русские витязи”, “Стрижи” нисэх багийнхан Москвагийн тэнгэрт нисэх ур чадвараа гайхуулна.
