АН: Маргааш 15:00 цаг гэхэд эцсийн байдлаар нэр дэвшигчдийн нэр тодорхой болно
Ардчилсан намын 4:11 уулзалт өнөөдөр болж, тавдугаар сарын 1-нд болох Монгол Улсын Ерөнxийлөгчид Ардчилсан намаас нэр дэвшигчийг тодруулаx цаxим сонгууль болон Улсын дээд шүүхийн шийдвэрийн талаарх тайлбарын талаар мэдээлэл хийв.
Ерөнхийлөгчийн сонгуульд АН-аас нэр дэвшигчийг тодруулах цахим сонгууль энэ сарын 30-наас эхлэх юм байна. Нэр дэвшигчдийг бүртгэх ажил маргааш 09 цагаас 15 цаг хүртэл явагдах бөгөөд тавдугаар сарын 1-ны 09 цагаас оройн 22 цаг хүртэл санал хураалт явуухаар тов зарласан байна.
Нэр дэвшигчид дараах материалыг бүрдүүлэх аж. Үүнд: бүрдүүлэх материалын жагсаалт:
- Нэр дэвшигчийн маягт
- Ажил албан тушаалаас чөлөөлөгдсөн тухай шийдвэрийн хуулбар
- Татварын ерөнхий газрын тодорхойлолт
- Иргэний үнэмлэхийн хуулбар
- Нэр дэвшигчийн намтар
- Төрсний гэрчилгээ
- Хил хамгаалах байгууллагын тодорхойлолт
- Харьяат иргэний газрын лавлагаа
- Ял эдэлж байсан эсэх тодорхойлолт
- Хөрөнгө орлогын мэдүүлгийн урьдчилсан байдлаар бичгээр өгөх
- Зураг 2%
- Иргэний үнэмлэхний хуулбар
- Сонгуулийн зардалд зарцуулсан мөнгөний баримт
- Зээл төлбөртэй эсэх
“Одоогийн байдлаар Ардчилсан намаас Ц.Оюунгэрэл, Р.Амаржаргал нар нэр дэвшихээ илэрхийлээд байгаа бөгөөд олон нийтэд сонгуульд өрсөлдөхөө албан ёсоор зарласан. Гэхдээ маргааш 15:00 цаг гэхэд эцсийн байдлаар нэр дэвшигчдийн нэр тодорхой болох юм байна.
Мөн маргааш 16:00 цагт нэр дэвшигчийн үнэмлэх гардуулсны дараа 17:20 цагт “Халз мэтгэлцээн”-ийг 25 дугаар суваг телевизээр шууд явуулахаар болсон” гэдгийг Ардчилсан намын дэд дарга Ц.Оюундарь мэдээллийн үеэр онцлов.