Сонгинохайрхан дүүргийн харьяа Нарангийн энгэрт нэг гэр бүлийн таван хүн амиа алдаж 16 настай охин хэргийн газраас зугтаж амьд үлдсэн хэрэг өнгөрсөн сард гарсан билээ. Түүний хойд эцэг 39 настай Х нь согтууруулах ундааны зүйл хэрэглэсэн үедээ эхнэр гурван хүүхдийнхээ аминд хүрч, өөрийгөө хөнөөсөн юм.
Талийгаачдыг нутаглуулах ажил өнгөрсөн долоо хоногт дуусч цагдаа нар охиныг хамаатныд нь хүлээлгэн өгчээ. Энэ хэргийг тус дүүргийн цагдаагийн нэгдүгээр хэлтэс шалгаж байсан бол Мөрдөн байцаах албаны Онц хүнд гэмт хэрэгтэй тэмцэх хэлтэст шилжүүлсэн байна.
