Түүхий нүүрс түлэхээс урьдчилан сэргийлэх хяналт, шалгалт эхэллээ

Монгол Улсын Засгийн газрын 2018 оны 62, 2020 оны 189 дүгээр тогтоолуудын хэрэгжилтийг хангуулахаар Нийслэлийн Засаг дарга бөгөөд Улаанбаатар хотын захирагч, Цагдаагийн ерөнхий газрын дарга, Мэргэжлийн хяналтын ерөнхий газрын даргын баталсан удирдамжийн дагуу Нийслэлийн Мэргэжлийн хяналтын газрын 259 албан хаагчид хяналт шалгалт хийж эхэллээ.

Тус шалгалт нь нийслэлийн Баянгол, Хан-Уул дүүргүүдийн гэр хорооллын 21 хорооны айл өрхийн сайжруулсан түлшний хэрэглээ болон түүхий нүүрс түлэхээс урьдчилан сэргийлэхэд чиглэгдэж байна.