“Монгол Базальт” ХК, “Хөвсгөл Алтан Дуулга” ХК-ийн хувьцааны ханш хамгийн өндөр өсөлттэй байв

Монголын Хөрөнгийн бирж өчигдрийн арилжааны мэдээгээ хүргэсэн байна. Өчигдрийн байдлаар зургаан хувьцаат компаний хувцааны ханш өсөлттэй гарчээ.

Мэдээллийн дэлгэрэнгүйг хүргэвэл,  2019 оны 12 дугаар сарын 4-ний өдөр I, II, III ангиллын 31 хувьцаат компанийн 343,366,858.37 төгрөгийн үнийн дүн бүхий 1,044,142 ширхэг хувьцаа арилжигдсанаас 6 хувьцаат компанийн хувьцааны ханш өсч, 21 хувьцаат компанийн хувьцааны ханш буурсан бол 4 хувьцаат компанийн ханш тогтвортой байлаа. Үүнээс “Монгол Базальт” ХК (MBW +4.71%) болон “Хөвсгөл Алтан Дуулга” ХК (ADU +0.28%)-ийн хувьцааны ханш хамгийн өндөр өсөлттэй байсан бол “Монгол Савхи” ХК (UYN -14.92%) болон “Авто Импекс” ХК (AOI -14.83%)-ийн хувьцаа хамгийн их уналттай байлаа.

“TOP 20” индекс 1.81 хувиар буурч 18520.09 нэгжид хүрсэн бол зах зээлийн үнэлгээ 2,495,520,141,510.08 төгрөг боллоо.

2019.12.04-ний арилжааг дараах линкээс үзнэ үү. mse.mn

Н.БАТАА