Сурагчдын зуны амралт зургаадугаар сарын 15-наас эхэлнэ

Ерөнхий боловсролын сургуулийн сурагчид 2024 оны зургаадугаар сарын 8-12-ны өдрүүдэд анги дэвших болон жилийн эцсийн шалгалтаа өгнө.

Боловсролын яамнаас баталсан хичээлийн жилийн бүтцээр I-V ангийн сурагчид 34 долоо хоног, VI-IX ангийн сурагчид 35 долоо хоног, X-XII ангийн сурагчид 36 долоо хоног хичээллэхээр тогтоосон байна.

Гуравдугаар улирлын сүүлийн долоо хоногт анги дэвших болон улсын шалгалтууд эхлэхээр төлөвлөгдсөн бөгөөд сурагчдын зуны амралт 2024 оны зургаадугаар сарын 15-наас орон даяар эхлэх юм.