Нийгэм

Чингис хааны музейтэй болно

Засгийн Газрын шийдвэрээр Үлэг гүрвэл болон Байгалийн түүхийн музейг нэгтгэх шийдвэр гарсан. Тиймээс өмч хөрөнгө, үзвэрийн зүйлс нь Байгалийн түүхийн музей рүү шилжих аж. Үлэг гүрвэлийн музейд дэлгэсэн байсан үзмэрүүд олон нийтэд хэвийн хүрэх бөгөөд улам баяжиж Байгалийн түүхийн музейд тавигдах юм байна.

chingis-medee Чингис хааны музейтэй болно

Ингэж нэгтгэх шаардлага нь Байгалийн түүхийн музейд хадгалагдаж байгаа эд зүйлс олны хүртээл бололгүй зургаан жил орчим болж байгаа юм. Тиймээс үүнийг олон нийтэд дэлгэн үзүүлэх, түүх дурсгалт соёлын өвүүдийн хадгалалт хамгаалалтыг сайжруулах зориулалтаар хийгдэж байгаа аж. Хүүхэд залуус, оюутан сурагчдын боловсрол мэдлэгийг тэлэхэд байгалийн үзвэр, үзүүлэн чухал үүрэг гүйцэтгэдэг хэрэгцээ шаардлагыг үндэслэн нэгтгэх шийдвэрийг гаргасан гэлээ.

Байгалийн түүхийн музейн барилгыг 2013 онд хаахдаа барилга дотор ямар нэгэн байгууллага үйл ажиллагаа явуулахгүй гэсэн тушаал гарсан байдаг. Одоогоор өөр байгууллага, хувь хүний мэдэлд шилжүүлсэн, өмчилсөн зүйл байхгүй юм. Тухайн хуучин барилгыг буулгаад Чингис хааны музей бүхий шинэ барилга байгуулах Засгийн газрын шийдвэр гарсан. Тэгэхээр одоогийн байгалийн түүхийн музейн газар нь музейн зориулалтаар дахин ашиглагдах юм.

ХОЛБООТОЙ МЭДЭЭ

Сэтгэгдэл

Таны сэтгэгдэл

Back to top button
Close