Ерөнхий сайд багш нарын цалинг 50 хувиар нэмэх шийдвэр гаргав

Ерөнхий сайд Н.Учрал багш нарын цалинг 5 дугаар сарын 1-ээс 50 хувиар нэмэхээр шийдвэрлэсэн талаар мэдэгдэв. Тэрээр боловсролын салбарт шинэ болон хуучин гэсэн хоёр төрлийн цалингийн системээс татгалзаж, нэгтгэхээр ажиллаж байгааг онцлов.

Ормузын хоолойн нөхцөл байдал дэлхийн зах зээлийг тогтворгүй болгож, дизель түлшний үнэ огцом өссөн байна. Монгол Улс сарын өмнө литр тутамд 3200 төгрөгөөр авдаг байсан дизель түлшний үнийг өнөөдөр 4400 төгрөгт хүргэсэн бөгөөд ирэх сард 6400 төгрөгт хүрэх эрсдэлтэй байна.

Засгийн газар үүний эсрэг цаг алдалгүй арга хэмжээ авч, гаалийн татварын 5 хувийг тэглэх шийдвэр гаргасан бөгөөд салбарын сайд Г.Дамдиннямыг ОХУ, Казахстанд яаралтай хэлэлцээр хийхээр томилжээ. Тэд сайн үр дүн гарна гэж найдаж байгаа ч хамгийн муу нөхцөл байдалд ч бэлэн байх шаардлагатайг тэмдэглэв.

Төрийн албан хаагчдыг зохиомол тайлангаас чөлөөлж, жилд 7 удаа гардаг байсан 4 төрлийн бодлогын баримт бичгийн тайланг 2 болгосон байна. Засгийн газар “Once Only” зарчмыг баримталж, ижил агуулгатай тайланг нэг удаа гаргах зохицуулалтыг хэрэгжүүлж эхэлжээ.