Г.Даваанямыг ХЗДХ-ийн сайдын зөвлөхөөр томилжээ

Хууль зүй, дотоод хэргийн сайд Б.Энхбаярын зөвлөхөөр Ганхуягийн Даваанямыг 2026 оны хоёрдугаар сарын 6-ны өдөр 06/19 тоот тушаалаар томилжээ.

Г.Давааням нь Япон Улсын Нагоя их сургуульд эрх зүйн бакалавр, хууль зүйн магистр, докторын зэрэг хамгаалсан бөгөөд тус их сургуульд багш, судлаач, мөн Үндэсний аюулгүй байдлын зөвлөлийн орон тооны бус шинжээчээр ажиллаж байна.

Тэрбээр Хууль зүйн үндэсний хүрээлэнд эрдэмтэн нарийн бичгийн дарга, МУИС-ийн Хууль зүйн сургуульд багш, ахлах багш, дэд профессор зэрэг албан тушаал хашиж ирсэн.

Г.Давааням арилжаа, компани, үнэт цаасны зах зээлийн эрх зүйгээр мэргэшсэн бөгөөд энэ чиглэлээр 20 ном бүтээл, 34 эрдэм шинжилгээний өгүүлэл гадаад, дотоодын нэр хүндтэй сэтгүүлд нийтэлсэн байна.

Түүнчлэн эдийн засгийн 10 гаруй хуулийн төслийн ажлын хэсэгт оролцож ажилласан туршлагатай юм.

Түүний боловсролын замналд МУИС-ын Хууль зүйн сургуульд эрх зүйн бакалавр (2013), Японы Нагоя их сургуульд хууль зүйн магистр (2015) болон доктор (2019) зэрэг багтдаг.

Ажил мэргэжлийн хувьд Нагоя их сургуульд туслах багш, судлаач, МУИС-ийн Хууль зүйн сургуулийн Японы эрх зүйн боловсрол, судалгааны төвийн дэд багш, Үндэсний аюулгүй байдлын зөвлөлийн орон тооны бус шинжээч зэрэг албан тушаал хашиж ирсэн.

Мөн Английн Кембрижийн их сургуульд зочин судлаачээр ажиллах төлөвлөгөөтэй байна.