Ерөнхий сайд баялгийн хулгайн төлбөрийг шуурхай гүйцэтгэх үүрэг өглөө

Ерөнхий сайд Г.Занданшатар баялгийн хулгайн төлбөрийг шуурхай гүйцэтгэхийг үүрэг болголоо. Тэрбээр шүүхийн шийдвэр гарсан даруйд хэрэгжиж, иргэдийн хохирол төлөгдөх, хууль тэгш үйлчлэх ёстойг онцлов. Мөн шүүхийн шийдвэрийн бүх шатанд хүний эрхийг дээдлэх, хуулийг чанд мөрдөх шаардлагатайг сануулж, баялгийн хулгайн төлбөрийг цаг алдалгүй гүйцэтгэх үүргийг Хууль зүй, дотоод хэргийн сайд болон Шүүхийн шийдвэр гүйцэтгэх газрын удирдлагад даалгав.

Баялгийн хулгайтай тэмцсэний үр дүнд барагдуулсан төлбөрийг Үндэсний баялгийн санд хуримтлуулж, төрийн болон төрийн тусгай алба хаагчдын нийгмийн асуудлыг шийдвэрлэх бодлого баримтлахыг зорьж байна. Ерөнхий сайд “Цэгцрэх хөдөлгөөн” нэртэй хуулийн засаглал, шударга ёсыг сэргээх, баялгийн хулгай, авлига, хээл хахуультай тэмцэх үйл ажиллагааг улс орон даяар эхлүүлснийг тэмдэглэв.

Уулзалтын үеэр шүүхийн шийдвэр гүйцэтгэх байгууллагын харьяа анги нэгжүүдийн бараа бүтээгдэхүүнийг танилцуулж, явуулын машин ашиглан иргэдэд шаардлагатай үйлчилгээг хүргэж байгааг мэдээлэв. Ерөнхий сайд Г.Занданшатар 2026 оны 2 дугаар сарын 6-нд шүүхийн шийдвэр гүйцэтгэх байгууллагын удирдах ажилтны сургалт, зөвлөгөөнд оролцов.